Kumusta ang Kaugnayan Mo sa Diyos? | Sipi411

Araw-araw na mga Salita ng Diyos | Kumusta ang Kaugnayan Mo sa Diyos? | Sipi 411

Kung sinasabi mo lamang, matapos basahin ito, na tinatanggap mo ang mga salitang ito, subalit hindi pa rin naaantig ang iyong puso, at hindi ka naghahangad na gawing normal ang iyong kaugnayan sa Diyos, pinatutunayan nito na hindi mo pinahahalagahan ang iyong kaugnayan sa Diyos. Pinatutunayan nito na ang iyong mga pananaw ay hindi pa naitatama, na ang iyong mga layunin ay hindi pa nakatalagang makamit ng Diyos at dulutan Siya ng kaluwalhatian, kundi sa halip ay nakatalagang tulutang manaig ang mga pakikipagsabwatan ni Satanas at makamit ang sarili mong mga layunin. Ang gayong mga tao ay nagkikimkim ng mga maling layunin at pananaw. Anuman ang sinasabi ng Diyos o kung paano man Niya ito sinasabi, nananatiling lubos na walang interes at ni hindi nagbabago ang gayong mga tao. Hindi nakadarama ng anumang takot ang kanilang puso at hindi sila nahihiya. Ang ganitong uri ng tao ay isang walang-kaluluwang mangmang. Basahin ang bawat pahayag ng Diyos at isagawa ang mga ito sa sandaling maunawaan mo ang mga ito. Marahil ay may mga pagkakataon na mahina ang iyong laman, o naging suwail ka, o lumaban ka; paano ka man kumilos noong araw, maliit na bagay lamang iyan, at hindi nito mahahadlangan ang paglago ng iyong buhay ngayon. Basta't maaari kang magkaroon ng normal na kaugnayan sa Diyos ngayon, may pag-asa. Kung may pagbabago sa iyo tuwing babasahin mo ang mga salita ng Diyos, at masasabi ng iba na naging mas mabuti na ang iyong buhay, ipinakikita nito na normal na ang iyong kaugnayan sa Diyos, na naitama na ito. Hindi tinatrato ng Diyos ang mga tao ayon sa kanilang mga paglabag. Kapag nakaunawa ka na at nagkaroon ng kamalayan, basta't makakatigil ka sa pagsuway o paglaban, mahahabag pa rin ang Diyos sa iyo. Kung taglay mo ang pagkaunawa at matibay na pagpapasiya na patuloy na hangaring magawang perpekto ng Diyos, magiging normal ang iyong kalagayan sa presensya ng Diyos. Anuman ang iyong ginagawa, isaalang-alang ang mga sumusunod habang ginagawa mo ito: Ano ang iisipin ng Diyos kapag ginawa ko ito? Makikinabang ba rito ang aking mga kapatid? Magiging kapaki-pakinabang ba ito sa gawain ng tahanan ng Diyos? Sa pagdarasal man, sa pagbabahagi, sa pananalita, sa gawain, o sa pakikisalamuha sa iba, suriin ang iyong mga layunin, at tingnan kung normal ang iyong kaugnayan sa Diyos. Kung hindi mo mahiwatigan ang sarili mong mga layunin at saloobin, ibig sabihin ay wala kang pagtatangi, na nagpapatunay na kakaunting katotohanan lamang ang iyong nauunawaan. Kung nagagawa mong maunawaan nang malinaw ang lahat ng ginagawa ng Diyos, at nahihiwatigan mo ang mga bagay-bagay alinsunod sa Kanyang mga salita, pumapanig sa Kanya, magiging tama na ang iyong mga pananaw. Samakatuwid, ang pagtatatag ng mabuting kaugnayan sa Diyos ang pinakamahalaga sa sinumang naniniwala sa Diyos; dapat itong tratuhin ng lahat bilang isang gawaing napakahalaga at napakalaking kaganapan sa kanilang buhay. Lahat ng iyong ginagawa ay nasusukat sa kung ikaw ay may normal na kaugnayan sa Diyos. Kung normal ang iyong kaugnayan sa Diyos at tama ang iyong mga layunin, kumilos. Para mapanatili ang normal na kaugnayan sa Diyos, huwag kang matakot na makaranas ng mga kawalan sa iyong mga personal na interes; hindi mo maaaring tulutang manaig si Satanas, hindi mo maaaring tulutan si Satanas na maangkin ka, at hindi mo maaaring tulutan si Satanas na gawin kang katawa-tawa. Ang pagkakaroon ng gayong mga layunin ay isang tanda na ang iyong kaugnayan sa Diyos ay normal-hindi para sa kapakanan ng laman, kundi para sa kapayapaan ng espiritu, ito ay para matamo ang gawain ng Banal na Espiritu, at para mapalugod ang kalooban ng Diyos. Para makapasok sa tamang kalagayan, kailangan mong magtatag ng mabuting kaugnayan sa Diyos at itama ang iyong mga pananaw tungkol sa iyong paniniwala sa Diyos. Ito ay upang maangkin ka ng Diyos, at upang maipakita Niya ang mga bunga ng Kanyang mga salita sa iyo at liwanagan at pagliwanagin ka pa. Sa ganitong paraan, makakapasok ka na sa tamang paraan. Patuloy na kumain at uminom ng mga salita ng Diyos sa ngayon, pumasok sa kasalukuyang paraan ng paggawa ng Banal na Espiritu, kumilos ayon sa mga kinakailangan ng Diyos sa ngayon, huwag sundin ang makalumang mga pamamaraan ng pagsasagawa, huwag kumapit sa dating mga paraan ng paggawa ng mga bagay-bagay, at pumasok sa kasalukuyang paraan ng paggawa sa lalong madaling panahon. Sa gayon, ang iyong kaugnayan sa Diyos ay magiging ganap na normal at makakapasok ka na sa tamang landas ng paniniwala sa Diyos.

Hinango mula sa Ang Salita ay Nagpapakita sa Katawang-tao

Isang Himno ng mga Salita ng Diyos

Ang Unang Prayoridad ng Pananampalataya sa Diyos

Unawain ang ginagawa ng Diyos, umayon sa Kanyang salita, sa pagtindig sa Kanyang panig. Pananaw mo'y magiging tama. Magiging tama.

Ⅰ

Lahat ng ginagawa mo'y dapat sukatin ayon sa normal na kaugnayan sa Diyos. Kung ang kaugnayan ay normal ito'y gawin kung intensyon mo'y tama. Para normal ang relasyon mo sa Diyos, wag matakot na mawalan ka. Unang prayoridad ng isang nananalig sa Kanya relasyon sa Diyos, maging maganda. Gawaing ito dapat ituring ng lahat, na pinakamahalaga sa buhay nila.

Ⅱ

Di mo puwedeng si Satanas ay hayaang, daigin ka't ikaw ay pagtawanan. Ang intensyong 'yon ay tanda na relasyon mo sa Diyos ay normal. Hindi 'to para sa laman kundi para espiritu'y mapayapa. Ito'y para matamo ang gawain ng Banal na Espiritu upang kalooban ng Diyos ay mabigyang-kasiyahan.

Ⅲ

Para makapasok sa tamang kalagayan, patatagin mo ang kaugnayan mo sa Diyos. Itama ang pananaw sa pananalig sa Kanya. Iyo'y para ang Diyos ay matamo ka, ihayag ang bunga sa 'yo ng Kanyang salita. Para ang Diyos, higit ka pang maliwanagan. Sa gayo'y makakapasok ka sa tamang paraan.

Ⅳ

Palaging kumai't uminom ng mga umiiral na salita ng Diyos. Pasukin ang kasalukuyang daan ng gawain ng Banal na Espiritu. Kumilos ayon sa ipinagagawa ng Diyos ngayon, hindi ayon sa mga gawi at paraan noon. Sa gayo'y magiging normal ang kaugnayan mo sa Diyos. At tamang landas ng pananalig sa Diyos, iyong matatahak. Unang prayoridad ng isang nananalig sa Kanya relasyon sa Diyos, maging maganda. Gawaing ito dapat ituring ng lahat, na pinakamahalaga sa buhay nila.

mula sa Sundan ang Cordero at Kumanta ng mga Bagong Awitin

Ang 10 napiling panalangin sa umaga na mga himno ay maaring makatulong sa atin na makapasok sa tunay na panalangin at makabuo ng tamang relasyon sa Diyos. I-click upang mapakinggan.

Rekomendasyon:

• Tagalog Devotional Topics: Tips to Get Close to God

• Ang Salita ng Diyos Ngayong Araw

• Araw-araw na mga Salita ng Diyos | "Kumusta ang Kaugnayan Mo sa Diyos?" | Sipi 410